آج کاکام آج ہی ۔۔۔ کل نہیں

جی آپ لوگوں نے اردو ادب کے حوالے سے کوئی سیکشن نہیں دیا اس لئے اس کو یہاں پوسٹ کررہا ہوں

بر وقت کام کرنے سے کیا کیا فائدے ہوتےہیں ۔۔۔ ذرا سوچو اور غفلت کی نیند چھوڑو۔۔۔۔۔۔
اپنے روز وشب کو دیکھو ۔۔۔۔ اور اپنی زندگی کا کوئی لائحۂ عمل متعین کرو۔۔۔
شکریہ
محمد سفیان قاسمی


ایک دفعہ ایک گاؤں کا چودھری سودا لینے شہر گیا تو اس نے دیکھا کہ لوگ ایک وکیل کی بہت تعریف کر رہے کہ وہ تو سو سو روپے کی ایک بات بتاتا اور ہزار ہزار روپے کا ایک نکتہ سمجھاتا ہے۔۔
چودھری نے سوچا کہ ہم بھی اس وکیل کی کوئی بات سن آئیں تو اچھا ہو۔۔ یہ سوچ کر وہ وکیل کے مکان پر پہنچا اور کہا وکیل صاحب : میں نے آپ کی باتوں کی بہت تعریف سنی ہے ہمیں بھی کوئی بات سمجھا دیجئے ۔۔۔ وکیل نے کہا کہ ہم تو ایک بات کی ایک اشرفی لیا کرتے ہیں ۔۔ یہ سن کر چودھری کا شوق اور بھی بڑھا اور اس نے پندرو روپے نکال کر وکیل کے سامنے رکھے۔۔ روپے لے کر وکیل صاحب نے ایک کاغذ کے پرزے پر یہ مصرع لکھ دیا آج کا کام رکھو نہ کل پر ۔۔
چودھری واپس آیا تو مزدوروں نے کھیت کاٹ کر بہت سا غلہ نکال رکھا تھا۔۔ شام کو وہ چودھری سے مزدوری لینے آئے تو اس نے کہا اس اناج کو گھر میں پہنچاؤگے تو مزدوری ملے گی۔۔ مزدوروں نے کہا کہ اب تو وقت گزر چکا ہے کل دن نکلتے ہی رکھوا دیا جائے گا۔۔ چودھری نے کہا کہ بھائیو میں نے توآ ج ہی یہ بات پندرہ روپے دے کر سیکھی ہے ۔۔۔ پس میں تو آج ہی رکھواؤں گا۔۔
آخر مزدوروں کو اناج گھر میں رکھنا ہی پڑا۔۔۔ اتفاق سے اسی رات اس زور کی بارش ہوئی کہ سارے گاؤں والوں کا غلہ پانی میں بہہ گیا یا خراب ہو کر رہ گیا۔۔ مگر چودھری کا غلہ بالکل محفوظ رہا۔۔ اور بیچتے وقت اسے اتنا نفع ہوا کہ ایک اشرفی کے بدلے بیسیوں اشرفیاں وصول ہو گئیں ۔۔


اگر پسند آئے تو حوصلہ افزائی کریں۔۔۔۔ محمد سفیان قاسمی